 |
 |
|
Er De på jakt etter ei spesiell ramme
for ei spesiell anledning?
Vi tilbyr utleige av gardstunet vårt, låven, marka og fasilitetane vi har til ulike private arrangement.
Den einskilde arrangør står då fritt til å avgjere om dei ynskjer eit skreddarsydd opplegg, eller om dei vil stå for innhald og organisering sjølv. Prisane på dette avhenger av kor mange ein er, kva innhald ein ynskjer, kor lenge arrangementet varer, og i kva grad vi som vertskap treng å vere tilstades under tilstelninga (Nokre av aktivitetane våre krev dette av omsyn til tryggleik).
Under er nokre døme på arrangement vi gjerne tek på oss:
* Skal du halde selskap? - Stort eller smått, for born eller vaksne?- Vi har fasilitetar, omgjevnader og aktivitetstilbod som vil gjera dagen minneverdig!
* Skal skulen, klassen, jobben, klubben eller andre lag du er med i ha sommaravslutning, juleavslutning eller liknande markeringar? - Kjempemoro å ha det her!!
* Kjenner De den lokale vikinghistoria vår? Samle ein gjeng eller eit lag (born og/eller vaksne!), så ordnar vi ein "Viking-kveld/dag" for dykk, med historieforteljing, vikingaktivitetar, "vikingmat" og "historisk sus"!
* Har du ein kamerat/ei venninne som snart giftar seg, og ynskjer å gjere litt ”stas” på vedkomande saman med vennegjengen? – Kva med eit slag paintball? Nokre vågale utfordringar i aktivitetsløypa? Sport? Badstu? Grilling? Badestamp?... – Mykje moro å velje i!
* Driv du med barne-/ungdomsarbeid av noko slag, og har planar om å arrangera leir? – Vi har hatt fleire leirar her på garden som alle har vore svært vellukka!
* ”Kick-off" for arbeidsgjengen? – Ein dag/kveld hos oss vil utan tvil sveise dykk i hop og gje lunsjsamtalane nytt innhald i etterkant!
* Barnebursdagar? – Utruleg lettvint og kjekt for alle! Ingen oppvask! Ingen tilsøling eller ramponering av møblementet heime!
Sjå sesongkalenderen vår for ledige dagar, og ta kontakt!
.....................................................................................................................................
*** Eitt kriterium har vi lagt oss på ved alle arrangement, og dét er at garden vår er ”alkoholfri sone”. Hos oss ynskjer vi at alle skal føle seg trygge og frie, - born og vaksne – kvar for seg - og saman.***
......................................................................................................................................
Vi ser fram til å høyre frå deg!
  |
  |
|